Bri - un poème de Paulmise Corneille, illustration de Sarbajit Sarkar

Gen bri se lajwa

li vide nan vwa nou

Gen bri se latè

ki rekonpanse

Gen bri se latè

Ki tanmen

Gen bri se demen

li anbwase mete sou vizaj lafanmi

Gen bri se kabann k ap soufri

Gen bri se timoun

Ki pou se kri lajwa

Gen bri se koko

K ap chante viv lamàn

Bri chak Ayisyen

Tchoule pòsyon lanmò

Nan :

Si se pa pa w,

Se pa l,

Si se pa li,

Se mwen

Gen bri ayèmtewèw

Nan mitan janm bri

Bri Kafoufèy

Bri Sitesolèy

Bri Matisan

Bri Gonayiv

Bri Divivye

Bri Kwadèboukè

Bri Taba

Bri Vivimitchèl

Bri Lekòl Lise

Bri Lekòl Prive

Bri Lopital

Bri Simityè

Bri Estad

Bri Penitansye

Tout se istwa k ap mouri

Bri ekolye

Bri fonksyonè

Bri Fanm ansent

Bri timoun

Bri tibebe

Bri travayè

Bri Ti biznismann

Bri komèsan

Bri pyeton

Tout se lavi

K ap pèdi vi

Tout bri pa gen sant Ayiti

Gen bri se pou redui popilasyon an

Gen bri se pou

Klere fènwa yon Fanmi

Gen bri se pou tire kè kontan

Yon nanchon

Tout bri Ayiti

Pa kouri menm kote

Tout bri Ayiti

Pa gen menm koulè po

Bri Ayiti santi di

Bri Ayiti natiralize

Bri Ayiti kontan nan miwa gouvènman pwovizwa

Tout bri Ayiti

Pa gen menm souri

Sou tab lafanmi

Dayè se bri

Ki plis leve tche wòb ayèmtewè w

Tout bri

Pa pote menm diskou

Bri kouri

Bri anmweyy

Pote plis lajan nan pòch leta

Paulmise Corneille