Nan Zorèy Malere, poème de Godson Moulite

Depi nan dan foumi

Tout rèv isit dwategòch

Dlo sikre tounen kandelam

Rido palè tounen tòchon

Tòchon tounen papiyon

Solèy la tanmen vomi

Nan zorèy malere

Bri bal fè laviwonn

Vil la inonde ak dlo bouch li

Chak zonbi nan powèm sa

Pentire tèt li ak lonbray

Nan mitan koulè sant nou

Tout riyèl tounen sann

Lamitye

Bri nou zòtolan

Ak 7 koulè pidetwal

Alelouya

Tanbou tounen drapo

Nan kolonn vètebral leta

Potoprens pèdi vijinite l

Nan mache anba pay.